सुन्दरहरैंचा । सुन्दरहरैंचा नगरपालिका वडा नम्बर १० मा रहेको लोहन्द्रा केराबारी साझेदारी वन व्यवस्थापन समितिले आर्थिक अनियमितता गरेको आरोप लागेको छ । वनको समिती र सदस्य सचिवको मिलेमतोमा झन्डै ३५ करोड आर्थिक अनियमितता भएको आरोप लागेको हो ।
आर्थिक अनियमितता भएको भन्दै स्थानीयले सोमबार कार्यालयमा ताला लगाएका छन । उपभोक्ता मित्रसेन योञ्जनले ३० देखि ३५ लाख रुपैयाँ संस्थाका अध्यक्ष दीपनारायण खाँ र सदस्य सचिव सब डिभिजन वन कार्यालय सलकपुरका प्रमुख लालबहादुर माझी लगायतको मिलेमतोमा भ्रष्टाचार भएको आरोप लगाउँदै ताला लगाएको बताए । योञ्जन सोही साझेदारी वनमा खाँ सग अध्यक्ष पदमा पराजित भएका हुन ।
भ्रष्टचार विरुद्द जनसंघर्ष समिती नाम दिएको समितिले सोमबार वन समितिको कार्यालयमा ताला लगाएको हो । मंसिर १७ गते भएको साधारण सभामा पनि पारदर्शिता नभएको, षड्यन्त्रपूर्ण ढङ्गले साधारणसभा गराएर पुरानै अध्यक्षलाई विजयी बनाएको भन्दै स्थानीयले आरोप लगाएका छन् ।
लोहन्द्रा केराबारी साझेदारी वन व्यवस्थापन समितिका नवनिर्वाचित अध्यक्ष दीपनारायण खाँ ले वन व्यवस्थापन समूहको लागि भएको निर्वाचनमा हार स्वीकार गर्न नसकेर यो काम भइरहेको बताए । उनले आफु निर्वाचित भएर पनि सपथ खान नपाइरहेको गुनासो गरे । खाँ भन्छन,” निर्वाचित भएर पनि सपथ ग्रहण गर्न पाएको छुइन यो कहाँ को न्याय हो । ” सपथ खाए आफुले त्यस बारेमा बोल्ने र सत्य तथ्य बाहिर ल्याउने छु । ” उनले भने । अहिले आफु अध्यक्ष भएर पनि काम गर्न नपाएकोले यस बिषयमा केही नबोल्ने उनले बताए ।
