सुन्दरहरैचा । मोरङको सुन्दरहरैचा नगरपालिका वडा नं ८ स्थित सलकपुरमा शनिबार लाग्ने हाट-बजार अनिशिचितकालका लागि बन्द भएको छ । हाट-बजार व्यवस्थापन समिती र व्यापारी बिच विवाद चर्किदा शनिबार लाग्ने हाट-बजार बन्द भएको हो । समितिले बजार अन्यन्त्रै सारेपछी व्यापारीहरु विरोधमा उत्रिएका थिए ।
बजार व्यवस्थापन समितिले बजार दिनानुदिन बढेको र सेवाग्राहीको अत्याधिक भिड भएकोले तरकारी बजार र कपडा बजार भिन्न भिन्न स्थानमा लगाउने समितिले निर्णय गरेको थियो । तर उक्त निर्णयको व्यापारीले विरोध गर्दै आज शनिबार बजार सञ्चालनमा रोक लगाएका हुन ।
बजार सञ्चालनमा रोक लागेपछी शनिबार बिहान सलकपुर स्थित सार्वजनिक शौचालयको सभाहलमा बसेको बैठकमा समेत व्यापारी र बजार समिती बिच सहमती जुट्न सकेन । व्यापारीले तरकारी व्यापार अन्यन्त्र लैजादा अन्य वस्तुको बजारमा असर पुग्ने भन्दै बजार एकै ठाउमा सञ्चालनमा आउनुपर्ने अडान कायम राखेका छन ।
यता बजार समितीले भने बजारलाई व्यवस्थित गर्नका लागि नै तरकारी बजार र अन्य बजारलाई छुट्टाछुट्टै स्थानमा सञ्चालन गर्न लागिएको बताएको छ । बजार समितिका अध्यक्ष बिष्णुप्रसाद आचार्यले सबै वस्तुको बजार एकै ठाउमा हुँदा सेवाग्राहीलाई समेत समस्या भएको र चोरीको घटना हुने र महिला दिदिबहिनीहरु तरकारी खरिद गर्न आउँदा असहज हुने भएकोले भिड नियन्त्रण गर्न तरकारी बजार छुट्टै स्थानमा राख्न लागिएको बताए ।
व्यापारी र बजार समिती बिच पटक पटक वार्ता हुँदा समेत सहमती नजुटेपछी दिन भर सलकपुर बजार बन्द रहेको छ । व्यापारीहरु बजार लाग्ने स्थानमा उपस्थिती भए पनि उनिहरुले आज बजारमा कुनै वस्तु खरिद विक्री गर्ने प्रायोजनका लागि राखेनन ।
