सुन्दरहरैचा । नेपाली काङ्ग्रेसका केन्द्रिय सदस्य अमृत अर्याल प्रदेश १ काङ्ग्रेस संसदिय नेता बन्ने दौडमा छन । संसदिय दलको नेता बन्दै उनी प्रदेश १ को मुख्यमन्त्री बन्ने दौडमा होमिएका छन । अर्याल सगै प्रदेश १ मा उद्दव थापा, केदार कार्की र हिमाल कार्की मुख्यमन्त्री बन्ने दौडमा छन । अर्याललाई मुख्यमन्त्री बनाउन कार्यकर्ता लेभल बाटै काङ्ग्रेस सभापति देउवालाई दबाब सिर्जना भएको छ ।
अर्याललाई चुनाव लडाउदै देउवाले मुख्यमन्त्रिको आश्वासन दिएका थिए । हाल सम्म देउवा उक्त निर्णयबाट पछी हटेका छैनन । तर अर्याललाई मुख्यमन्त्री हुन नदिन देउवा पक्षकै केही नेताहरु लागि परेका छन । एक काङ्ग्रेस क्षेत्रिय प्रतिनिधि सदस्यले भने ” काङ्ग्रेसले मुख्यमन्त्री बनाउन एक उपयुक्त पात्र भेटेको छ । प्रदेश १ मा मुख्यमन्त्रिको रुपमा अर्याललाई नै अघी बढाउनु पर्छ ” ।
कोइराला पक्षले समेत आफु बसेको बैठकको साक्षिबाट पछी नहट्ने बताइरहेको छ । कोइराला पक्षका एक सदस्यले भने ” हिजो अर्याललाई प्रतिनिधि सभा बाट ब्याक सार्न जुन मुख्यमन्त्रिको अफर गरिएको थियो नेताहरु त्यसैमा एक ढिक्का हुनुपर्छ । काङ्ग्रेसलाई एक बनाउन मुख्यमन्त्रीमा अर्याललाई नै अघी बढाउनुपर्छ । “
यस पटक प्रदेश १ मा काङ्ग्रेसलाई एक बनाउन सस्थापना पक्ष र कोइराला पक्ष एक भएका छन । कोइराला पक्षले उम्मेद्वारी दिने हल्ला आए पनि अन्त्यमा मुख्यमन्त्रीमा अर्याललाई नै छाड्ने काङ्ग्रेस स्रोतले बताएको छ ।
