सुन्दरहरैचा । प्रदेश नं १ मा काङ्ग्रेसबाट मुख्यमन्त्री बन्ने दौडमा तीन नेता रहेका छन । झापाबाट उद्दव थापा, मोरङबाट अमृत अर्याल र केदार कार्कीले मुख्यमन्त्रीको दाबी गर्दै आएका छन ।
अर्याल र कार्की प्रत्यक्ष चुनाव लडी विजयी बहेर सांसदको रुपमा आएका हुन बि हने उद्दव थापा समानुपातिक सांसदको पहिलो नम्बरमा छन । यि तिनै नेता अहिले काङ्ग्रेसको संसदिय दलको नेता चुन्न आफ्नो पक्षमा बहुमत जुटाउन व्यस्त छन ।
अर्याल काङ्ग्रेस भित्रको देउवा पक्षधर, कार्की कोइराला पक्षधर र थापा सिटौला पक्षधरका हुन । प्रतिनिधि सभा र प्रदेश सभाको निर्वाचन अगाडि नै अर्यालको नाम भावी मुख्यमन्त्रीका रुपमा चर्चामा आएका थिए । अर्याललाई काङ्ग्रेस सभापति शेरबहादुर देउवाको बलियो समर्थन रहेको छ भने काङ्ग्रेसमा तेस्रो समुह सञ्चालन गर्दै आएका कृष्णप्रसाद सिटौला र दोस्रो समुह कोइराला समुह सञ्चालन गर्दै आएका शेखर कोइराला मुख्यमन्त्री बन्ने बिषयमा मौन रहदै आएका छन ।
अर्याल काङ्ग्रेसका केन्द्रिय सदस्य हुन । थापा प्रदेश १ का प्रदेश सभापति हुन भने कार्की प्रदेश १ का बहालवाला मन्त्री हुन । यद्दपी काङ्ग्रेस भित्र तीन जनाको नाम मुख्यमन्त्रीका रुपमा चर्चामा आए पनि अर्याल मुख्यमन्त्रीको रुपमा बलियो उम्मेद्वार हुने काङ्ग्रेस स्रोतले दाबी गरेको छ ।
