सुन्दरहरैँचा । मोरङको सुन्दरहरैँचा नगरपालिकामा २०७९ को स्थानिय तहको निर्वाचनमा स्वतन्त्रबाट उम्मेद्वारी दिएका पाँच जना उम्मेद्वारीलाई निर्वाचन आयोगले जरिवाना तोकेको छ । आयोगले उनिहरुलाई साढे चार लाख रूपैयाँ जरिवना तोकेको हो ।
स्वतन्त्रबाट मेयर पदका उम्मेद्वार प्रकाश भट्टराई, कविराज पोखरेल, कमल अधिकारी, जीवन बस्नेत र टिकाराम गौतमलाई आयोगले जरिवाना तोकेको हो । निर्वाचन परिणाम सार्वजनिक भएको ३० दिनभित्र खर्च विवरण बुझाउनुपर्ने प्रावधान छ। त्यस अवधिभित्र विवरण नबुझाउनेहरूलाई आयोगले कारबाही गरेको हो ।
आयोगले सुन्दरहरैँचामा नै विभिन्न राजनीतिक दलबाट मेयर उपमेयर पदमा उम्मेद्वारी रहेका व्यक्तीहरुलाई समेत जरिवाना तोकेको छ । आयोगले तोकेको जरीवाना ६ महिनाभित्र नतिरे निर्वाचित मेयर उपमेयरको पद नै खारेज हुने र पराजित मेयर उपमेयरले आगामी निर्वाचनमा उम्मेद्वारी बन्न नपाउने व्यवस्था गरेको छ । निर्वाचन आयोगले शुक्रबार एक विज्ञिप्ति जारी गर्दै करिब सवा लाख उम्मेरवारले स्थानीय निर्वाचनको खर्च विवरण नबुझाएको उल्लेख गरे हो ।
