सुन्दरहरैचा । सनराइज बैक लिमिटेडले विद्यालयलाई शैक्षिक सामाग्री वितरण गरेको छ । बैंकले सामाजिक उतरदायित्व अन्तर्गत रहेर सुन्दरहरैचा नगरपालिका वडा नं १० मा रहेको सुकुना माध्यमिक विधालयलाई शैक्षिक सामाग्री वितरण गरेको हो ।
बैंकका प्रादेशिक कार्यालयका प्रमुख विवेक निरौला र विराटचौक शाखा प्रमुख कुमार खड्काको उपस्थितिमा उक्त सामाग्री वितरण गरिएको हो । विद्यालयमा अध्ययनरत विपन्न छात्रछात्राहरुलाई सहयोगस्वरुप स्कुल ब्याग, कापी, कलम लगायतका शैक्षिक सामग्रीहरु वितरण गरिएको छ ।
विराटचौक शाखा प्रमुख खड्काका अनुसार विधालयका १७ जना विधार्थीहरुलाई उक्त सामाग्री हस्तान्तरण गरेको हो । विधालयका प्रध्यानाध्यापक दामोदर तिम्सिनाले बैकक्प सामाजिक उतरदायित्वको उक्त कार्य प्रसंसा गर्न लायक रहेको उल्लेख गरे ।
हालसम्म बैंकले १३९ वटा शाखा कार्यलय मार्फत आफ्ना ग्राहकलाई बैंकिङ सेवा प्रदान गर्दै आईरहेको छ ।
