सुन्दरहरैँचा । राप्रपाबाट मोरङ ३ मा प्रत्येक्ष तर्फको उम्मेदवार नेपाली सिने जगतमा स्थापित नायिका तथा महिला नेतृ रेखा थापाले मतदाताको आँसु पुसेकी छन । उनले म तपाईहरुको समस्या समाधान गर्न आएको हु, के मलाई भाेट दिनु हुन्न, अरु जस्तो धोका दिन्न तपाईहरुको म खेर जान दिन्न भने पछि एक बृद्धले तरक्क आँसु झारेका थिए ।
उनले रेखाको कुरा सुनेर भने, लौ नानी तिम्लाई हाम्रो भाेट पक्का भयो, अरु जस्तो धोका नदिनु होला । तपाईप्रति हामीले धेरै आसा र भरोसा जगाएका छौ । सो दृश्य र वचन सुने देखेपछी रेखा भावुक बनिन र भनिन- हो बुवा तपाईहरुकै सेवक बन्न म आएकी हु । तपाईको छोरी चेली हु म बाट धोका हुन्न । के म घर फर्किनु पर्दैन ।
रेखाले उनी जस्तै धेरैको समस्या सुनिन र मल्हम पट्टि लगाउने प्रतिबद्धता व्यक्त गरिन । मोरङ निर्वाचन क्षेत्र नम्बर ३ बाट राप्रपाबाट प्रतिनिधि सभा चुनाबमा नाम सिफारिस थापाले आज बेलबारीका गाउँटाेल वडाहरुमा स्थानिय सङ्ग यस क्षेत्रका विभिन्न समस्याका विषयहरुमा छलफल गरिन । हामी जनताले नै मतदान गरेर जिताएपछि तिनै जनतालाई घृणा,दास र जनताको जीवनलाई नर्क बनाउने, जनताको भोटलाई खरिदबिक्रि गर्ने, जनतालाई भोट बैंकको रुपमा मात्रै प्रयोग गर्ने भ्रष्टहरुलाई अब जनताले भविष्य सुम्पिनु नहुने उनले बताईन। थापाले ठगहरुलाई लखेट्ने बताउदै आफ्नो मत खेर नफाल्न आग्रह गरेकी छिन।
अहिले सम्म हामीले गलत मान्छेहरुलाई चुनेको र गलत मान्छेहरु हाम्रा नेता रहेकोले गर्दा अब आफुहरुले भोगेका दुःखको अन्त्य गर्न आफुहरु जागेको बताएका छन्। पुराना नेताहरुले जनतालाई बर्षौँ देखि रुवाएको छ, अब नयाँ असल उम्मेदवारलाई मतदान गर्नेछौ, एक स्थानीयले भने ‘उहाँले रिल लाईफमा हाम्रो समस्याहरु उठाउनु भएको छ। अब जनताका आवाज बोल्न समस्याको समाधान गर्न सदनसम्मै पुर्याउनेछौ।’ रेखाससङ्ग स्थानियले विभिन्न समस्या राख्दै मत जिताउने प्रतिबद्धता गरे।
रेखाले पनि जितहार जे भए नि आफू सधै साथ रहने बताईन । उनले भनिन्- म तपाईहरुसङ्ग आत्मजागरण गराउन आएको हु । तपाईहरुको मत अब कदापी खेर जानू हुन्न । भेटघाटका क्रममा धेरै मतदाताले पहिलेका उमेदवारले चुनाव जितेर जाने त्यसपछि फर्किएर नआउने गरेको गुनासो गर्ने गरे ।
रेखाको निर्वाचन क्षेत्रमा सुकुम्बासी र अव्यवस्थित बसोबासको समस्या रहेको छ । स्थानीयले यो समस्याबारेसमेत निकै गम्भीरतापूवर्क बताउने गरेको उनले बताइन् । थापाले मतदातासङ्ग भनिन्, ‘ठूला राजनीतिक दलका नेताले आफ्नो व्यवसाय फस्टाउने काम मात्र काम गरे। गाउँ-गाउँका जनता अहिले पनि सामान्य उपचार गर्न सहर जानुपर्ने बाध्यता बनाएका छन्। म यी सबै हिसाब-किताब गर्न आएकी छु। म काम गर्न सक्छु, म नेपाली दिदीबहिनीहरूलाई चुलोबाट बाहिर निकाल्ने काम गर्छु।’ महिला दिदीबहिनीहरूको सुरक्षाका लागि आफू ‘काली’ बनेर आउने छु, उनले भनिन्-‘महिला दिदीबहिनीहरूलाई राति हिँड्दा कसैले छोयो भने म काली बनेर सुरक्षा गर्न आउँछु।
मोरङ क्षेत्र नम्बर तीनबाट नेकपा एमालेका तर्फबाट पूर्वस्वास्थ्यमन्त्री भानुभक्त ढकाल उठ्ने चर्चा छ । त्यस्तै कांग्रेसका तर्फबाट मेडिकल व्यवसायी सुनील शर्माको नाम चर्चामा छ । शर्मा र ढकालसँग प्रतिस्पर्धा गर्न लागेकी राप्रपा नेतृ थापा भने सबैभन्दा पहिले चुनावी अभियान लिएर गाउँ पसेकी हुन्।
