सुन्दरहरैचा । मोरङको सुन्दरहरैचा नगरपालिकामा एकै परिवारका दुई दाजुभाई वेपत्ता भएका छन । वडा नं ९ बस्ने खिलराज तिम्सिनाका माइला छोरा र कान्छा छोरा बेपत्ता भएका हुन । भदौ १४ गते सगै सुतेका दुई छोरा अन्दाजी बिहान ३ बजे देखि हराएको बुवा खिलराजले बताए । बुव खिलराज भन्छन कान्छा छोरा सानै देखि मुटुको बिरामी थियो माइलो पनि बिरामी थियो तर कहाँ गए अत्तोपत्तो छैन ।
बुवा खिलराजले आइतबार दुई छोरा सुतेकै ठाउबाट बेपत्ता भएपछी ईलाका प्रहरी कार्यालय विराटचौकमा छोरा बेपत्ता भएको निवेदन समेत दिएका छन । बुवा खिलराजका अनुसार माइलो छोरा वर्ष २९ को हरिप्रसाद तिम्सिनाको विवाह भइसकेको छ । कान्छो छोरा वर्ष १९ को फडिन्द्र तिम्सिना हुन । माइला छोरा हरीले बेलुका आफ्नो छोरालाई आज काका सग सुत्छु भनेर भाइको कोठामा सुत्न गएको बुवा खिलराजले बताए । उनका अनुसार कान्छा छोरा फडिन्द्रले आफुलाई नखोज्नु भन्दै चिट्ठी समेत लेखेर छोडेको बताए ।
बुवा खिलराजले भने माइला छोरा पहिला पनि काम गर्न भारत गएका थिए । आफुहरु पहाडमा हुदा काम गर्न काठमाडौ गएको माइला छोरा उसलाई फकाएर अरुले भारतम बेचेछन । पछि विभिन्न मुद्दा हालेर छोरालाई सकुशल ल्याए । दुई छोरा सगै वेपत्ता भएपछी खिलराजको परिवार पिडामा डुबेको छ । उनले खोजिदिन सबै सग आग्रह गरेका छन । बुवा खिलराजका अनुसार कान्छा छोरा फडिन्द्रले आफू बिरामी भएको र काम गर्न नपाएको र काम गरेर पैसा कमाएपछी फर्किने भन्दै आफुलाई नखोज्नु भन्ने पत्र लेखेर छोडेको बताए ।
