काठमाण्डौ । अर्थमन्त्रीमा पुन जनार्दन शर्मा नियुक्ती भएका छन । उनलाई आइतबार राष्ट्रपति विद्यादेवी भण्डारीले शपथ गराएकी हुन् । बजेट निर्माणमा अनधिकृत व्यक्ति सहभागी गराएको भन्दै नेकपा एमालेले विरोध गरेपछी उनले पदबाट रजिनामा दिएका थिए ।
छानविन समितिले शर्मा माथि लागेको आरोपमा सिसी क्यामेरा फुटेजमा ठोस प्रमाण नभेटेपछी माओवादीले पुन: अर्थमन्त्रीमा जनार्दन शर्मालाई नै सिफारिस गरेको थियो ।
नेपालको संविधानको धारा ७६ को उपधारा ९ बमोजिम प्रधानमन्त्री शेरबहादुर देउवाको सिफारिसमा शर्मालाई मन्त्री पदमा नियुक्त गरिएको राष्ट्रपती कार्यालयद्वारा जारी विज्ञप्तीमा बताइएको छ ।
