सुन्दरहरैचाको मुख्य बजार विराटचौकमा अवस्थित काली मन्दिर कुरुप बन्दै गएको छ । वरिपरी घरै घर छ बिचमा मन्दिर छ । तर मन्दिरलाई राम्रो बनाउने तर्फ कसैको ध्यान गएको देखिदैन । सुन्दरहरैचाबाट बाहिर कुनै ठाउँ जानुपर्छ जहाँ सभ्य मानिस अनी मनका धनी व्यक्तीहरु बस्ने शहर भनेर चिनिन्छ विराटचौक । तर तिनै सभ्य मानिस अनी मनका धनी व्यक्तीहरु बस्ने शहर विराटचौकलाई गिज्याइरहेको छ काली मन्दिरले ।
मन्दिर देखी पुर्वपट्टी रहेको पोखरीमा उम्रिएको जलकुम्भीलाई सरोकारवाला निकायले व्यवस्थापन गर्न नसक्दा विराटचौकको मात्र हैन मन्दिरमा आउने भक्तजनहरुलाई समेत गिज्याइरहेको छ । मन्दिरकै परिसर भित्र सामाजिक सस्था ईन्द्रपुर जेसिजको सचिवालय समेत छ । उक्त जेसिजको सभाहलमा दैनिकौ विवहाँ पार्टी देखी विभिन्न सामाजिक कार्यक्रमहरु समेत हुने गर्दछ । तर त्यही छेउमा रहेको पोखरीमा उम्रिएको जलकुम्भीको व्यवस्थापन गर्न मन्दिर व्यवस्थापन समितिले चासो देखाएको छ न त ईन्द्रपुर जेसिजले नै ।
सुन्दरहरैचा स्थित विराटचौकमा भने धेरै वटा संघ सस्थाले सरसफाई कार्यक्रम समेत आयोजना गर्दै आइरहेका हुन्छन । तर ति संघ सस्थाले समेत बजार क्षेत्रका मुख्य स्थानहरुमा मात्र सरसफाई गर्दै आइरहेका छन । उक्त पोखरीबाट उम्रिएको पानी सुन्दरहरैचा ९, १२ र ११ नं वडाका केही स्थानमा खेतीपातीको लागि सिचाई गर्न समेत प्रयोग गर्ने गरिन्छ । तर पोखरिमा उम्रिदै गएको र बढ्दै गएको जलकुम्भी झारले भविष्यमा पानीको अभाव समेत हुन सक्ने देखिन्छ । यसमा सरोकारवाला निकायको बेलैमा ध्यान पुग्न जरुरी छ ।
नेतृत्वले जे गरे अरुले नि त्यही गर्ने हो । धरानका मेयर हर्क साम्पाङ आँफै सरसफाई गर्न झाडु बोकेर सडकमा निस्किए । त्यसैले जनता समेत झाडु बोकेर मेयर हर्क साम्पाङको अगाडि लागेर हिंडे । उनले चर्चा भन्दा कामलाई विश्वास गरे । उनलाई अहिले धराने जनताले मात्र हैन पालिका बाहिरका व्यक्तीहरु समेत मेयर हर्कलाई सघाउने भन्दै श्रमदान गर्न आइरहेका छन ।
धरानका मेयर दैनिक सरसफाई अभियानमा आँफै फिल्डमा निस्किए पनि छिमेकी पालिकाहरुमा अझै पनि निर्वाचित जनप्रतिनिधिहरु बधाई थाप्न तथा कार्यकर्तालाई धन्यवाद दिनमै व्यस्त देखिन्छन । सुन्दरहरैचाका मेयरले समेत धरानका मेयर हर्क साम्पाङको उदाहरणिय कार्यबाट केही कुरा सिक्न जरुरी देखिन्छ । भन्दा समाजका केहीलाई यो कुरा नपच्न सक्छ बाहिर सफा भएर हुँदैन समाजका धेरै क्षेत्रहरु समेत सफा राख्नुपर्ने हुन्छ । नजिकका देउता हेला भने जस्ताइ भगवान र मन्दिर हाम्रै विराटचौकमा छ सफा सुगर राखे टाढा जानुपर्दैन ।
