सुन्दरहरैंचा । माेरङकाे सुन्दरहरैंचा ८ स्थित सलकपुरमा शिलान्यास गरिएको नगरपालिकाकाे प्रशासनिक भवनको स्तम्भ तोडफोड भएको छ । उक्त सुन्दरहरैंचा नगरपालिकाकाे प्रशासनिक कार्यालय भवनकाे शिलान्यास २०७८ चैत्र ७ गते शिलान्यास गरिएको थियाे ।
भवनकाे शिलान्यास प्रधानमन्त्री शेरबाहादुर देउवाले गरेका थिए । भवनकाे स्तम्भ ताेडफाेड कसले र किन गर्यो भन्ने कुरा खुल्न सकेको छैन। नगरपालिकाकाे भवन शिलान्यासकाे स्तम्भ ताेडफाेड गर्नेलाई कडा कार्बाही हुनु पर्ने साथै यसमा सम्बन्धित निकायको ध्यान जान जरुरी रहेको स्थानीयहरुकाे भनाइ रहेको छ ।
सुन्दरहरैंचा नगरपालिकाका निर्वतमान मेयर शिवप्रसाद ढकालकाे कार्यकालमा उत्त भवनकाे शिलान्यास भएको थियाे । उनले समाजिक संजालमा `यो राम्रो संकेत होईन। सलकपुरमा सुन्दरहरैंचा नगरपालिकाको प्रशासनिक भवन शिलान्यासको स्तम्भमा यसो गरिएछ । भन्दै आलोचना गरेका छन ।
