सुन्दरहरैचा । मोरङको सुन्दरहरैचामा सरकारी भवनको दुरुपयोग हुँदै आएको छ । सुन्दरहरैचा स्थित बुधवारेमा रहेको कृषि बिकास बैकको जग्गा र भवनको दुरुपयोग भएको हो ।
बैकको विराटचौकमा आफ्नै जग्गा र भवन भएता पनि बैक भने भाडाको घर लिएर सञ्चालनमा आउँदै गरेको छ । कृषि विकास बैक शाखा विराटचौकको आफ्नो भवन भने अहिले भुत बङ्गलामा परिणत भएको छ । द्वन्दकालमा माओवादीले २०६२ साल तिर बम पड्कार उत्त भवनकाे क्षति गरेको थियाे ।
हाल बैक सञ्चालनका लागि मासिक रु ६० हजार भाडा तिर्दै आएको बैकका शाखा प्रमुख केदार अधिकारीले बताए । कृषि विकास बैककाे जग्गा सुन्दरहरैंचामा करिव ४ कट्ठा भन्दा बढी तथा साथमा भवन समेत रहेको छ । बैक सञ्चालन गर्ने प्रायोजनका लागि जग्गा जनताकाे सहभागितामा सस्तो दरमा विगत समयमा खरिद गरिएको थियो ।
२०६३ साल देखि कृषि विकास बैक विराटचौक शाखाकाे जग्गा तथा भवनको दुरुपायोग हुँदै आएको हो । हाल सम्म कुनै निकायले समेत उक्त भवनको उचित प्रयोगको पहल गरेको देखिदैन ।
स्थानिय तहमा सुन्दरहरैचा नगरपालिकामा मेयर भएर आइसकेपछी निवर्तमान मेयर शिवप्रसाद ढकालले उक्त भवन पुन: प्रयोगमा ल्याउन भवन तथा जग्गाको अवलोकन गरेका थिए । तर उनको त्यो अवलोकन पश्चातको पहल पनि असफलतामै निहित रहेको देखिन्छ ।
कृषि विकास बैक विराटचाेक शाखाकाे भवन अहिले भुत बङ्गलामा परिणत हुँदै सर्प लुक्ने ठाउँ तथा झाडीकाे रुपमा देख्न सकिन्छ । महेन्द्र राजमार्गकै छेउमा भएर पनि वरिपरि सुँगुर चर्ने ठाउँ तथा फाेहाेर मैलाका कारण दुगन्ध फैलिएर बसि नसक्नु भएर कुरुप समेत भएको स्थानीयहरु बताउँछन् ।
