सुन्दरहरैंचा । सुन्दरहरैंचामा खसी छोराको बिगबिगी बढेको छ । दुई महिनामा मात्र सुन्दरहरैचामा ८० भन्दा बढी खसीबाख्राहरु चोरी भएका छन । खसी चोरी हुन थालेपछी स्थानियहरु रातको समयमा समेत आरामले सुत्न पाएका छैनन ।
खसी चोरीहुन बाट बाँच्न स्थानियहरु रातको समयमा गाउ नै गस्ती गर्नमा व्यस्त हुने गरेका छन । स्थानियहरु रातको समयमा १० बजेदेखि बिहानको तीन बजेसम्म १०–१५ जनाको समूहमा रहेर गस्ती गर्ने गर्दछन ।
लामो समययता कृषकको वर्ष–डेढ वर्षको कमाइ चोरी हुँदा प्रशासन र स्थानीय निकाय बेखबर रहेको स्थानियको गुनासो छ । सुन्दरहरैंचा–७, ८ र ११ नम्बर वडामा खसीबोका चोरी हुन थालेपछि हैरान बनेका स्थानीय दुई महिनाअघिबाट रातभरि गस्ती गरिरहेका छन्।
सबैभन्दा वडा नं ७ बाट ७१ वटा खसी–बोका हराएको सुन्दरहरैंचा–७ का वडाध्यक्ष भुवनसिंह मगरले जनाए। इलाका प्रहरी कार्यालय बेलबारीका प्रहरी निरीक्षक खगेन्द्र धमलाले चोरी बढेका कारण स्थानीयसँगको समन्वयमा गस्ती बढाएको जानकारी दिए।
प्रहरीका अनुसार सुन्दरहरैचाको विराटचोक, गोठगाउँ, गछियातिर चोरीका घटनाहरू भइरहेका छन । त्यही अनुसारले नै प्रहरीले गस्ती गरिरहेको धमलाले बताए ।
