बेलबारी । आगामी प्रदेश सभा र प्रतिनिधि सभा निर्वाचनका लागि काँग्रेस भित्र बलिया उम्मेदवारको खोजी शुरु भएको छ । मोरङ प्रदेश ‘ख’ बाट प्रदेश सभा सदस्यमा भोजराज बस्नेत र राजेन्द्र अधिकारीको नाम चर्चामा आएको छ ।
मोरङमा प्रदेश सभाका लागि १२ वटा क्षेत्र रहेको छ । बस्नेत र अधिकारीले मोरङ क्षेत्र नं ३ को प्रदेश क्षेत्र ३ ‘ख’ बाट उम्मेद्वारी दिने तयारी गरेका छन ।
अधिकारी र बस्नेत बाहेक एक जनाले प्रदेश सभा सदस्यको टिकट काङ्ग्रेस पार्टीबाट पाउनु पर्ने कार्यकर्ता माग छ । क्षेत्र नं ३ का एक कार्यकर्ताले भने, पार्टी भित्र अन्त्तरघातको जालो बढ्दो छ । मोरङमा काङ्ग्रेस बलियो भएता पनि १४ औ अधिवेशन देखी स्थानिय तहमा कमजोर बन्यो । तर यी दुई मध्ये एकलाई काङ्ग्रेसले उम्मेद्वारी दिदा पार्टीमा अन्तरघात नहुने कार्यकर्ताको बुझाई छ ।
बस्नेत मोरङ काङ्ग्रेसका जिल्ला सदस्य, प्रेस युनियन मोरङका जिल्ला अध्यक्ष साथै बेलबारीमा सञ्चालित रेडियो वेतनाका सञ्चालक समितिका अध्यक्ष हुन भने अधिकारी नेपाली काङ्ग्रेस मोरङ क्षेत्र नं ३ का सचिव हुन । उनले बेलबारीमा विभिन्न संघ सस्थामा समेत आबद्द भएर विभिन्न संघ सस्थाको नेत्रित्व गरिसकेका छन ।
बस्नेतले अहिले सम्म काङ्ग्रेसमा कुनै समुह खुलाएका छैनन । उनी आफु १४ औ जिल्ला अधिवेशनमा जिल्ला सदस्यमा उठ्दा समेत काङ्ग्रेसको दुवै समुहमा अटाएका थिए । अधिकारी भने काङ्ग्रेसमा कोइराला समुहका व्यक्ती हुन । उनी १४ औ महाधिवेशनमा कोइराला समुहबाट मोरङ क्षेत्र नं ३ को सचिवमा निर्वाचित भएका थिए । अधिकारी १४ औ महाधिवेशनमा अत्याधिक मत लिएर सचिवमा विजयी भएका हुन ।
मोरङ क्षेत्र नं ३ मा प्रतिनिधि सभा सदस्यमा दिलिप गच्छदार र सुनिल शर्माको नाम काङ्ग्रेसबाट चर्चा छ । तर मोरङमा रहेका ६ वटा क्षेत्र मध्ये ३ नं क्षेत्र गठबन्धन हुँदा यस प्रदेश क्षेत्र एकिक्रित समाजवादीले पाउने चर्चा छ ।
मोरङ क्षेत्र नं ३ गठबन्धनको तर्फबाट समाजवादीले पाउदा दुई वटा क्षेत्र भने काङ्ग्रेसले नै दाबी गर्ने स्रोतले बताएको छ ।
