बेलबारी । बेलबारी नगरपालिकाले नगर क्षेत्रभित्र सञ्चालित विद्यालय तीन दिनका लागि बन्द गर्ने निर्णय गरेको छ । नगरपालिकाले अविरल वर्षाका कारण बाढी र डुबानको जोखिम बढ्दै गएकाले असार १५ देखि १७ गतेसम्म सामुदायिक र निजी विद्यालय बन्द गर्ने निर्णय गरेको हो ।
मंगलबार नगरपालिका द्वारा जारी सुचनामा भनिएको छ अधिकाशं विधालयहरु डुबानमा परेको र विधार्थीहरुलाई समेत आवातजावतमा कठिनाई भएको कारण विधालय तीन दिन बन्द गर्नुहुन विधालय व्यवस्थापना समितिलाई अनुरोध गरिन्छ ।
नगरपालिकाले विधालय व्यवस्थापना समितिलाई वर्षे वा हिउदे विदाबाट विदा कट्टा हुने गरी विधालयको पठनपाठन बन्द गर्न अनुरोध गरेको हो । दुई दिन देखी लगातार परेको पानीले बेलबारी जलग्न रहेको छ ।
साना तथा ठुला खोलाहरुमा पानीको बहाब दिन प्रतिदिन बढ्दै गइरहेको र जमेको पानी र खोलाबाट भरिएको पानी सडकमा निस्किदा विधार्थीहरुलाई विधालय आउन समेत कठिनाई भएको छ ।
