सुन्दरहरैचा । लगातार आएको अविरल वर्षाका कारण सुन्दरहरैचा नगरपालिकाका विभिन्न स्थानहरु डुबान भएका छन । नगरको वडा नं १०, १२, ११, ९, ३, ४, ५, ६, २, १ लगायतका अन्य केही वडाहरु समेत डुबानमा परेका छन ।
९ नं वडाका विभिन्न स्थानहरु डुबानमा परेपछी वडाध्यक्ष प्रकाश श्रेष्ठ स्थलगत अवलोकनमा निस्किएका छन । मंगलबार वडाध्यक्ष श्रेष्ठ पानीमा भिज्दै बाढी प्रभावित क्षेत्रको स्थलगत अवलोकनमा निस्किएका हुन ।
सानासाना खोला तथा जमेको पानीले ९ नं वडाका अधिकाशं क्षेत्रहरु डुबानमा रहेका छन । वडा नं ९ को मुख्य चौक विराटचौकको पुर्वपश्चिम लोकमार्गको सडक र लोकमार्ग देखी कारीब ५०० मिटर दक्षिणमा रहेका वस्तीहरु प्राय डुबानमा रहेका छन ।
खोला किनारमा तटबन्धनको उचित व्यवस्थापन नहुँदा केही स्थानमा बाढीले कटान समेत गरेको छ । ९ नं वडामा रहेको आईतवारए चौक नजिक रहेको खोला , नागदेवी छेउमा रहेको खोलाहरुमा बाढी आएको छ ।
पानीको निकास हुने ठाउँको उचित व्यवस्थापन नहुँदा ९ नं वडामा पर्ने बजार क्षेत्रहरु समेत डुबानमा परेका छन ।
