संखुवासभा । संखुवासभाको धर्मदेवी नगरपालिकामा करेन्ट लागेर एक जनाको मृत्यु भएको छ । वडा नं ५ मा रहेको मायाखोला हाईड्रो पावरमा काम गर्ने क्रममा करेन्ट लागेर एक जनाको मृत्यु भएको हो ।
मृत्यु हुनेमा पोखरा महानगरपालिका-१२ का ३९ बर्षीय रोमन कुमार चन्द रहेको प्रहरीले जनाएको छ । मंगलवार बिहान हाईड्रोपावर भित्र रहेको ट्रान्सफर्मर मर्मत गर्ने क्रममा अचानक करेन्ट लागेर चन्द घाइते भएका थिए ।
घाइते चन्दलाई उपचारको लागी हेलिकोप्टर द्धारा काठमाण्डौ लगिएको थियो । चन्दको उपचारको क्रममा मृत्यु भएको जिल्ला प्रहरी कार्यालय संखुवासभाले जनाएको छ ।
चन्द मायाखोला हाईड्रो पावरमा कार्यरत ईन्जिनियर हुन । घटना बारे थप अनुसन्धान भइरहेको प्रहरीले जनाएको छ ।
