बेलबारी । मोरङको बेलबारीमा मोटरसाइकल दुर्घटनाबाट एक जनाको मृत्यु भएको छ । मोटरसाइकल दुर्घटना हुँदा मोटरसाइकल चालकको मृत्यु भएको हो ।
मोटरसाइकलमा दुई जना सवार व्यक्ती थिए । मोटरसाइकलमा पछाडि सवार व्यक्ती भने घाइते भएको प्रहरीले जनाएको छ । दुर्घटनाबाट मृत्यु हुनेमा ३१ बर्षीय कुसुमलाल धिमाल रहेको प्रहरीले जनाएको छ ।
सोमबार दिउसो सवा १२ बजे पुर्वबाट पश्चिमतर्फ जाँदै गरेको को २० प ७७५२ नम्बरको मोटरसाईकल आफै अनियन्त्रित भई दुर्घटना हुँदा मोटरसाइकलमा सवार दुई जना घाइते भएका थिए ।
घाइते भएका उनीहरुको उपचारको लागी नोबेल अस्पताल बिराटनगर लगिएकोमा कुसुमलालको चेकजाँचको क्रममा डाक्टरले मृत घोषणा गरेको हो ।
मृत्यु हुने कुसुमसाल धिमाल बेलबारी १० का हुन भने घाइते हुने २८ बर्षीय रमेश धिमाल पथरीशनिश्चचरे ६ का हुन । घटना सम्बन्धमा ईलाका प्रहरी कार्यालय बेलबारीबाट थप अनुसन्धान भईरहेको छ ।
