दाङ । प्रहरीले २५ वर्षिय महिलालाई जबरजस्ती करणी गरेको अभियोगमा तीन जनालाई पक्राउ गरेको छ । प्रहरीले दाङ स्थित तुलसीपुर उपमहानगरपालिकाबाट शनिबार दिउसो पक्राउ गरेको हो ।
पक्राउ पर्नेमा तुलसीपुर उपमहानगरपालिका-९ मैनाबगर बस्ने २४ वर्षीय शंकर बिक, सोही उपमहानगरपालिका-९ बेलुवा बस्ने ३० वर्षीय कमल चौधरी र १९ वर्षीय कान्छी भन्ने अर्जुन नेपाली रहेका छन ।
बिहीवार कमलले ति महिलालाई नास्ता खान जाउँ भनी ललाई फकाई बसपार्क सम्म लागेका थिए । कमलले भने ति महिलालाई बसपार्कमा शंकर, अर्जुन र तुलसीपुर उपमहानगरपालिका-९ बस्ने २१ वर्षीय अर्जुन परियारसँग भेट गराई दोघरे नगर बिकास टोलस्थित निर्माणाधिन घरमा लगि आफु फर्किएका थिए ।
प्रहरीका अनुसार अन्य तीन जनाले महिलालाई जबरजस्ती करणी गरी पीडितको ४ आनाको सुनको बाला समेत खोसी फरार रहेको थिए । खबर प्राप्त हुनसाथ ईलाका प्रहरी कार्यालय तुलसीपुरबाट खटिएको प्रहरीले उनीहरूलाई पक्राउ गरेको हो । हाल फरार अर्जुन परियारको खोजी गर्नुका साथै यस सम्बन्धमा प्रहरीले आवश्यक अनुसन्धान गरिरहेको छ ।
