सुन्दरहरैचा । उधोग वाणिज्य संघ सुन्दरहरैचाले बजारमा ध्वनी प्रदुषण गरेर सामान विक्री वितरण नगरन आग्रह गरेको छ । मंगलबार संघले एक विज्ञप्ती निकाल्दै बजारमा बढी ध्वनी प्रदुषण बढेको कारण चर्को स्वरमा माइक बजाएर सामान विक्री वितरण नगरन आग्रह गरेको हो ।
संघका महासचिव नारायण कार्कीद्वारा हस्ताक्षरित विज्ञप्तीमा भनिएको छ, उधोग वाणिज्य संघ सुन्दरहरैचाको क्षेत्राधिकार भित्र रहेर व्यापार व्यवसाय गर्ने व्यवसायीहरुको गुनासो तथा मार्कालाई मध्यनजर गर्दै यस क्षेत्रमा सवारी साधनमा सामान राखेर जथाभावी माइकिङ गरेर सामान बेचिरहदा यस क्षेत्रका व्यवसायीहरुलाई पर्न गएको असुविधा प्रती संघको गम्भिर ध्यानाकर्षण भएको छ ।
काक्रीद्वारा हस्ताक्षरित विज्ञप्तीमा भनिएको छ अब उप्रान्त कोही कसैले यस प्रकारको व्यवसाय सञ्चालन गर्न पाइने छैन । यस किसिमको व्यवसाय सुन्दरहरैचामा नरोकिए अन्यथा संघ कार्वाहीको प्रकृया लिएर अघी बढ्ने महासचिव कार्कीद्वारा हस्ताक्षरित गरिएको विज्ञप्तीमा भनिएको छ ।
लामो समय देखी सुन्दरहरैचा आसपासका क्षेत्रहरुमा ध्वनी प्रदुषण गरेर सुन्दरहरैचामा विभिन्न किसिमका व्यवसायहरु सञ्चालन हुँदै आएका थिए । व्यवसायीहरुको अन्त्यन्तै धेरै गुनासो र स्थानिय वासीहरुबाट समेत गुनासो आएपछी ध्वनीबाट गरिने विभिन्न व्यवसाय बन्द गर्ने निर्णय गरिएको महासचिव कार्कीले बताए ।
