सुन्दरहरैचा । स्थानिय तह २०७९ मा निर्वाचित जनप्रतिनिधिहरुलाई ब्रम्हा कुमारी राजयोग उप सेवा केन्द्र सुन्दरहरैचाले शुभकामना कार्यक्रम सम्पन्न गरेको छ । शुक्रबार उक्त सस्थाले नव निर्वाचित जनप्रतिनिधिहरुलाई बधाई तथा शुभकामना कार्यक्रम आयोजना गरी सम्पन्न गरेको हो । शुक्रबार सुन्दरहरैचा नगरपालिकामा नव निर्वाचित जनप्रतिनिधिहरु मेयर उपमेयर लगायत अन्य नगरका जनप्रतिनिधिहरुको उपस्थितिमा सस्थाले बधाई तथा शुभकामना कार्यक्रम सम्पन्न गरेको हो ।
केही वर्ष अघी देखी ब्रम्हा कुमारी राजयोग उप सेवा केन्द्रले समाज मा आध्यात्मिक शिक्षा र ध्यान (मेडिटेसन)को आधारमा नैतिक शिक्षा र मानवीय मुल्यको धारणा गराई मानव को कल्याण को साथ शान्ति को अनुभुती गराउदै विभिन्न कार्यक्रम गर्दै आएको सस्थाकी सञ्चालिका कविता पोखरेलले बताइन ।
उनका अनुसार सस्थाले घरगृहस्थ मा रहेर तनाव मुक्त जीवन को अनुभुती दिलाउने कार्ये गर्दै महिला सशक्तीकरण र युवाहरुलाइ दुर्व्यवसन मुक्त अभियान लगायत अन्य सेवाको लागि सस्थाले निशुल्क सेवा गरिरहेको छ ।
सस्थाले सोही क्रममा सामाजिक उतरदायीत्व बहन गर्दै नव निर्वाजित जनप्रतिनिधिहरुलाई बधाई तथा शुभकामना कार्यक्रमको आयोजना गरेको सस्थाकी सञ्चालिका पोखरेलले बताइन ।
