रौतहट । प्रहरीले रौतहटबाट कटुवा पेस्तोल सहित दुई जनालाई पक्राउ गरेको छ । ईशनाथ नगरपालिका-४ बाट प्रहरीले दुई जनालाई पक्राउ गरेको हो ।
प्रहरीले एक जना नेपाली र एक जना भारतीय व्यक्तीलाई पक्राउ गरेको हो । प्रहरीले शुक्रबार बिहान उक्त दुई जना व्यक्तीलाई कटुवा पेस्तोल सहित पक्राउ गरेको हो ।
पक्राउ पर्नेमा ईशनाथ नगरपालिका-४ महुलिया बस्ने ३० वर्षीय रामबावु सिंह र भारत विहार ग्राम पर्सा बस्ने ४० वर्षीय कृष्ण साह रहेका छन ।
सिहं र साह बिच लेनदेनको विहयमा विवाद भएको थियो प्रहरीकोमा दुई व्यक्तीको बिषयमा खबर पुग्नासाथ चेक जाँच गर्दा उनिहरुको साथबाट प्रहरीले कटुवा पेस्तोल बरामद गरेको थियो ।
प्रहरीले दुबै जनालाई नियन्त्रणमा लिएर थप अनुसन्धान गरिरहेको छ ।
