नेपालगंज । प्रहरीले नेपालगंजबाट लागुऔषध सहित ४ जनालाई पक्राउ गरेको छ । नेपालगंज उपमहानगरपालिका-१५ जमुनाह चेक प्वाइन्ट स्थित सडकबाट प्रहरीले उक्त ४ जनालाई पक्राउ गरेको हो ।
पक्राउ पर्नेमा जानकी गाउँपालिका-२ बस्ने २२ वर्षीय श्रवण सुनार, भारत घर भएका २२ वर्षीय राहुल शाही, २१ वर्षीय बब्बु घोसी लगायत ४ जना रहेको प्रहरीले जनाएको छ ।
प्रहरीले उनिहरुलाई बिहीबार दिउँसो प्रहरीले पक्राउ गरेको हो । भे.६ प ९७७३ नम्बरको स्कुटरलाई लागूऔषध नियन्त्रण ब्यूरो नेपालगंज र ईलाका प्रहरी कार्यालय जमुनाहबाट खटिएको संयुक्त प्रहरी टोलीले जाँच गर्ने क्रममा स्कुटरमा सवार राहुलले लुकाई ल्याएको उक्त लागूऔषध फेला पारी उनीहरूलाई प्रहरीले पक्राउ गरेको हो ।
प्रहरीले पक्राउ स्कुटरमा सवार दुई जना श्रवण र राहुललाई पक्राउ गरी अनुसन्धान गर्ने क्रममा उक्त सामान बब्बु घोसी लगायत २ जनाको भनि खुल्न आएपछि प्रहरीले अन्य २ जनालाई समेत पक्राउ गरेको हो ।
प्रहरीले ४ जनालाई नै नियन्त्रणमा लिएर थप अनुसन्धान गरिरहेको छ ।
