सुन्दरहरैचा । मिस्टर नेपाल विजेता नुतन श्रेष्ठलाई आफ्नै नगरबाट सम्मान नभएको जनगुनासो छ । नुतन २०२२ का मिस्टर नेपाल विजेता हुन ।
नगरले विभिन्न क्षेत्रका विभिन्न व्यक्तीहरुलाई सम्मान गरेपनी सुन्दरहरैचा नगरपालिकाबाट प्रतिनिधित्व गरेर मिस्टर नेपाल २०२२ का विजेता बनेका नुतनलाई नगरले सम्मान गर्न सकेको छैन ।
नुतनले सुन्दरहरैचाको मात्र हैन नेपाल कै प्रतिनिधित्व गरेर अब हुने मिस्टर वर्ल्डको प्रतिनिधित्व गर्दैछन । तर आफ्नै नगरले अहिले सम्म नुतनलाई सम्मान गर्न नसकेको सुन्दरहरैचाका अनिल खड्काले बताए ।
नगरले नगरको एउटा गहनालाई चिन्न नसकेको विजय लिम्बु भन्छन । आफु नगरवासीको हिसाबले नुतनले जहाँ पनि सुन्दरहरैचाको नाम लिएर हिड्दा नगरकै पहिचान हुने बताउदै नुतनलाई नगरले सम्मान गर्नु पर्ने लिम्बु बताउछन ।
आफुले मिस्टर नेपालको प्रतिस्पर्धा गर्दै खेरी नगरपालिकाबाट आफुलाई सहयोग गर्ने आश्वासन पाएको नुतनले बताएका छन । तर अहिले सम्म नगरपालिकाले आफुलाई बेवास्ता गरेको नुतनले बताएका छन ।
नुतनलाई नगर भन्दा बाहिरका विभिन्न संघ सस्थाले सम्मान गरे पनि आफ्नै नगरले भने सम्मान गर्न नसक्नु दु:खद कुरा रहेको सुन्दरहरैचाका यादव पौडेलले बताए । नुतनको विजय नगरकै गौरवको कुरा हो , “एउटा नगरवासीले नेपालमा मात्र नभएर विश्वमा सुन्दरहरैचा नगरपालिकालाई चिनाउने काम गरिरहेको छ, यस कार्यमा नगर चुक्नु हुँदैन । नुतनलाई सम्मान गर्नुपर्छ”, पौडेलले भने ।
