सुन्दरहरैचा । वैशाख ३० गतेको स्थानिय तहको निर्वाचनको मतपरिणाम आइसकेको छ । देश भर काङ्ग्रेस पहिलो पार्टी बने पनि काङ्ग्रेस नेताहरुको क्षेत्रमा भने एमालेले विजयी हासिल गरेको छ ।
डा. सुनिल शर्मा र डा. शेखर कोइरालाको पकट क्षेत्र मानिएको मोरङ क्षेत्र नं ३ र ६ मा एमालेले जित हासिल गरेको छ । क्षेत्र नं ६ मा पर्ने विराटनगर महानगरपालिका र बुढिगंगामा नेपाली काङ्ग्रेसले विजयी हासिल गर्यो तर सुन्दरहरैचा नगरपालिकामा भने काङ्ग्रेसले हार बेहोर्यो । त्यस्तै क्षेत्र नं ३ मा पर्ने सुन्दरहरैचा, बेलबारी, कानेपोखरी र पथरीसानीश्चरे नगरपालिकानै काङ्ग्रेसले हार बेहोर्न पर्यो ।
डा. सुनिल शर्मा मोरङ क्षेत्र नं ३ बाट नेपाली काङ्ग्रेसको प्रतिनिधि सभाका सांसद पदका उम्मेदवारी थिए उनि एमालेका भानुभक्त ढकाल सग पराजित भएका थिए । त्यस्तै डा. शेखर कोइराला मोरङ क्षेत्र नं ६ बाट नेपाली काङ्ग्रेसको प्रतिनिधि सभाका सांसद पदका उम्मेदवारी थिए उनि एमालेका लालबाबु पण्डित सग पराजित भएका थिए ।
२०७४ सालको स्थानिय तहमा सुन्दरहरैचामा काङ्ग्रेसका शिवप्रसाद ढकालले विजयी हासिल गरेका थिए । तर उनै ढकाल यस पटक पराजित भए ।
काङ्ग्रेसको अन्तर कलहले ढकाल पराजित भएको आम कार्यकर्ताले बताएका छन । ढकाल आफैले पनि पराजित हुनमा नगर सभापति भक्ती सिटौला र क्षेत्रीय सभापति देवराज तामाङको भुमिका रहेको बताएका छन । उनले सामाजिक सञ्जालमा पोष्ट गर्दै भनेका छन ” नगर सभापति भक्ती सिटौला र क्षेत्रीय सभापति देवराज तामाङको अनुहार कसकसले चिन्नु हुन्छ ? “
सुन्दरहरैचामा काङ्ग्रेसको जित सुनिश्चित हुदाहुदै पनि काङ्ग्रेस कै नेताहरुले काङ्ग्रेसमा भोट नहाल्नु भन्दै हिडेको कारण काङ्ग्रेसले पराजय भोग्नु परेको काङ्ग्रेसका एक कार्यकर्ता कमल शमशेरले बताए ।
अहिले सामाजिक सञ्जालमा काङ्ग्रेस भन्न पनि घिन लाग्छ भन्दै टिका टिप्पणीहरु हुदै आएका छन ।
