विराटनगर । विराटनगर महानगरका मेयर भीम पराजुलीले दोस्रो कार्यकाल दोहर्याउने घोषणा मात्रै गरेनन् ,टिकट पाउनुपर्ने अडानका साथ काठमान्डौमा बसिरहेका छन् । कांग्रेसमा टिकट पाउन निकै मेहनत गर्नु पर्छ । यसमा गुट उपगुटका नेताहरुको आ आफ्नै अडान र इन्ट्रेसहरु बाझिएका छन् । यद्यपी भीम पराजुली आफ्ना पालामा पुरा गर्न नसकेका कामको पूर्णताका लागि उमेद्वारी हो भनेका छन् । कोरोना ,बाढी र तत्कालिन संघीय सरकारको असहयोगका कारण काम गर्न नसकेको धारणा मेयर पराजुलीले गर्दै आएका छन् ।
मेयर हुदा कुनैपनि विवादमा नमुछिएका ,भ्रष्ट्रचार विरोधी र धार्मिक छबी बनाएका पराजुली हाल नेपाली कांग्रेसको केन्द्रीय सदस्य छन् । कृष्णप्रसाद सिटौलाको सहयोगमा शेरवहादुर देउवा लाइनवाट केन्द्रीय सदस्य बनेका पराजुली पुनः मेयरमा उठ्ने भन्दै गर्दा कोइराला परिवारकै कांग्रेस केन्द्रीय सदस्य डा.शेखर कोइराला बाधक बन्न पुगेका छन् ।
उनले पराजुलीको नाममा इन्कार मात्रै गरेनन् कार्यकर्ता संग भीमलाई विराटनगरमा टिक्न दिनुनहुने सम्मको धारणा राखेको बताइन्छ । यस्तै अर्का मेयरका आकांक्षी अमृत अर्यालको नाममा त कोइरालाले हारेको मान्छेलाई टिकट किन दिने भनेर प्रतिप्रश्न गरे । यो कुराको संम्वाद बाहिर आए संगै मोरङ,खास गरेर विराटनगरमा शेखर कोइरालाको आलोचना शुरु हुन थालेको छ ।
विराटनगरका धेरै कांग्रेसी नेता तथा कार्यकर्ताहरुले सामाजिक सन्जाल फेसवुकमा कोइरालाको बारेमा खुलेर आलोचना गरेका छन् । हारेको मानिसले टिकट नपाउने हो भने शेखर दाई तपाई मोरङ क्षेत्र नं. ६ मा अव नउठ्ने हो ?? के नयाँ कांग्रसीले ठाउँ पाउने भयो ?? फर्मुला त लागु स्थानियमा मात्रै हैन प्रदेश र संघीयमा पनि लागु होला नी हैन डा. साव । यस्तै प्रश्न र विरोधको चाङ्ग कोइराला माथी लागेको छ ।
विराटनगर महानगरको मेयरका आकांक्षीहरुमा भीम पराजुली,अमृत अर्याल र नागेश कोइराला रेशमा छन्। यद्यपी कार्यसम्पादनको मिटिङबाट आइतबार बेलुका सम्म टुङ्गो लाग्ने बताइएको छ । नेताहरुको अडान यथावत रहे सभापति शेरबहादुर देउवाले जे निर्णय पनि लिन सक्ने छन् ।
