सुन्दरहरैचा । आसन्न स्थानिय निर्वाचनमा उतरी मोरङको सुन्दरहरैचाका लागि सम्भावित मेयर मेयरको नाम सिफारिस गर्ने क्रममा पार्टी भित्रको एक समुह अनुदार देखिएको छ ।
सस्थापन पक्ष अर्थात शेरबहादुर देउवा निकट भएकै कारण बहालवाला मेयर शिवप्रशाद ढकालको नाम नगर काङ्ग्रेसले सिफारिसबाट हटाएको छ ।
नगर काङ्ग्रेसले सभापति भक्ती सिटौलाको मात्र नाम पठाएर पुर्वाग्रह देखाएको काङ्रेसका कार्यकर्ताले आरोप लगाएका छन । पछील्लो ५ वर्षमा देसभ्यपी रुपमा लोकप्रिय मेयर रहेका ढकालले यो निर्णय पुर्वाग्रहपूर्ण भएको भन्दै नगर, क्षेत्र, जिल्ला , प्रदेश र केन्द्रमा लिखित उजुरी गरेका छन ।
‘म मात्र होइन सुन्दरहरैचाका आमा काङ्रेस र अन्य पार्टीका कार्यकर्ता समेत आश्चर्यचकित छन’ ढकालले भने, ‘पार्टीमा निरन्तर काम गरिरहेको, बहालवाला मेयरलाई नै बाइपास गरेर सिफारिस गरिएको छ, यसले काङ्रेसलाई कमजोर बनाएको छ ।’
एमालेको बहुमत रहेको यो नगरमा ढकालको नेतृत्वमा सबैलाई मिलाएर काम गरिएको छ । उतरी मोरङको बिकासअको कुरा उठ्दा ढकालको नाम सफल मेयरको रुपमा लिइन्छ ।
केही दिन अघी ढकालले प्रधानमन्त्री एवम काङ्रेस सभापति शेरबहादुर देउवालाई बोलाएर भव्य कार्यक्रम गरेका थिए । देउवाले सार्वजनिक मञ्चबाटै ढकालको प्रशंसा गरेका थिए ।
‘स्थानिय निर्वाचन अन्तरपार्टी निर्वाचन होइन तर, साथीहरुले यसलाई मजाकका रुपमा लिए ‘ ढकालले भने, ‘निर्वाचनमा अन्य दलसित भिड्नु पर्नेमा काङ्रेस आँफै भिडिरहेको छ , यसरी कसरी निर्वाचनको नतिजा आफ्नो पक्षमा आउछ ?’
यसबारे नगर सभापति सिटौलालाई ढकालले भेटेर कुरा गर्दा कसैको दबाबमा परेर यस्तो निर्णय गरेको बताएका छन । यता सिटौलाले गल्ती भएको स्वीकारेका छन । उनले एक भिडियोमा बोल्दाइ म् दबाबमा परेर गल्ती गरेको बताएका छन ।ढकाल विरुद्द कोइराला खेमा लागेको ढकाल निकट कार्यकर्ता बताउछन ।
