सुन्दरहरैचा । मोरङको सुन्दरहरैचा नगरपालिकामा पिक-अप गाडिबाट लडेर तीन वर्षिय बालिकाको मृत्यु भएको छ ।
वडा नं ८ सलकपुर स्थित भित्री सडक खण्डमा रोकोराखे पिक-अप गाडीबाट लडेर उक्त बालिकाको मृत्यु भएको हो ।
सडको साइडमा प्र ३-०१-०२२ च ७२५६ नम्बरको पिक-अपबाट सोही वडामा बस्ने अजय मण्डलको तीन वर्षिय छिरी निहा मण्डलको मृत्यु भएको प्रहरीले जनाएको छ ।
प्रहरीका अनुसार चालकले गाडीमा बसेको बच्चालाई नदेखी गाडी चलाउदा गाडिबाट लडेर उक्त बच्चाको मृत्यु भएको जनाएको छ ।
गाडीबाट लडेर घाइते भएकी उक्त बालिका उपचारको लागि विराटनग स्थित कोशी अस्पताल लगिएको थियो । अस्पताल लगिएको बालिकालाई डाक्टरले चेकजाँच पश्चात् मृत घोषणा गरेको प्रहरीले जनाएको छ ।
गाडी चालक सोही वडा बस्ने वर्ष २१ को विक्रम मण्डललाई इलाका प्रहरी कार्यालय विराटचौकले पक्राउ गरेर घटनाको थप अनुसन्धान गरिरहेको प्रहरीले जनाएको छ ।
