व्यक्तीमा काम गर्ने शैली फरक हुन्छ । कतिपयको काम बिल्कुलै फरक हुन्छ । सुन्दरहरैचाका मेयर शिवाप्रसाद ढकालको काम गर्ने शैली फरक छ । ढकालको काम गराईमा देखिएको एउटा फरक उदाहरण यहाँ उल्लेख गर्न मन लाग्यो ।
कुनै काम लिएर जानुहोस् । उदाहरणका लागि उनिसग सडक बनाउने उद्देश्य सहित उपभोक्ता समिती बजेट माग गर्दै गयो । समितिका व्यक्तीहरु काम नभइरहेको बेला निकै रिसाइरहेका थिए । कामका लागि गयो अनी कर्मचारी आज यो भएको भोली त्यो भएन भन्छन ।
यो कुरा ढकालले थाहा पाए । जनताको एक समुह यसरी नै धाउने गरेको सुने । आफ्नो कक्षमा बोलाएर उनले भने ‘ समस्या के हो ?’ जनताको तर्फबाट भनाई आयो , ‘बजेट नै निकाशा हुँदैन , काम कसरी अघी बढाउने ?’
मेयर ढकाललाई रिस उठ्यो । उनले योजना शाखाका प्रमुखलाई बोलाए । ढकालले जनता माझ भने,’ यहाँहरुको काम किन भईरहेको छैन ? कानुन अनुसार मिल्दैन भने हुँदैन भन्नुहोस्, हुन्छ भने ल्याङल्याङ किन गर्ने ? तु काम गरेर पठाउनुहोस् ।’ ढकालले कर्मचारी चेतावनी शैलीमा भने , ‘ मैले उहाहरु (जनता) पुन: कामका लागि यसरी भिड लिएर आएको देख्न नपरोस ।
कर्मचारीको सातोपुत्लो उड्यो । उपभोक्ता समितिको काम भयो । बजेट निकाशा भयो । सडकको काम शुरु भयो । वास्तवमा नेतृत्वमा रहनेले एउटा सामान्य आट मात्र गर्न सक्यो भने जनताले दु:ख पाउदैनन । एउटै कामको लागि बरोबर धाउनु पर्दैन । वास्तवमा जनताले यस्तै जनप्रतिनिधी खोजेका हुन ।
ढकालको काम गराईले उनी एक युट्युब च्यानल गरेको सर्वेक्षणका अनुसार देश भरका उत्कृष्ट १० मेयर मध्ये एकमा परे । काम गर्नेले काम गरे भन्नका लागि किन लोभ गर्ने ? यस्ता मेयरले एक पटक होइन अर्को पटक पनि मौका पाउनुपर्छ । ढकाल लोकप्रिय मात्र छैनन उनले उतरी मोरङको बिकासमा धेरै काम गरेका छन । गुट र समुह फरक पर्न सक्छ तर ढकाल जस्ता बिकास प्रेमी मेयरका लागि सबै एक जुट भएर पुन: त्यो पदमा आसिन गराउने तर्फ लाग्नुपर्छ ।
