सुन्दरहरैचा । मोरङको पूर्व क्षेत्रकै अति प्रतिष्ठित र गुणस्तीय शिक्षाको केन्द्रका रुपमा रहेको सुकुना बहुमुखी क्याम्पसको पन्ध्रौँ परिषद् बैठक सम्पन्न भएको छ । परिषद् बैठकको अवसरमा विहानी सत्रमा छात्रवृत्ति वितरण कार्यक्रम सञ्चालन गरिएको थयो भने दिवा सत्रमा सञ्चालक समितिका अध्यक्ष केशव अधिकारीको अध्यक्षतामा क्याम्पसको पन्ध्रौँ परिषद् बैठक सञ्चालन गरिएको थियो ।
क्याम्पसमा जम्मा २३२ जना परिषद् सदस्य रहेका छन् । छात्रवृत्ति वितरण कार्यक्रममा विभिन्न सङ्घ संस्था तथा दाताबाट प्रदान गरिएको, अक्षयकोषको व्याज र क्याम्पसको आन्तिरिक स्रोत समेतबाट कक्षा ११ र १२, स्नातक र स्नातकोत्तर तहमा अध्ययनरत जेहेन्दार विद्यार्थीहरूलाई रु.८,५३,३००।– (आठलाख त्रिपन्न हजार तीन सय) रकम छात्रवृत्ति वितरण गरिएको थियो ।
सबैलाई सञ्चालक समितिका उपाध्यक्ष गोपालबहादुर थापाले स्वागत मन्तव्य राखेका थिए भने कार्यक्रम सञ्चालन सहायक क्याम्पस प्रमुख अर्जुनराज अधिकारीले गरेका थिए । कार्यक्रमको अध्यक्षता सञ्चालक समितिका अध्यक्ष केशव अधिकारीको रहेको थियो ।
प्रमुख अतिथी रहेका सुन्दरहरैचा नगरपालिकाका नगरप्रमुख शिवप्रसाद ढकालले क्याम्पसमा प्राविधिक शिक्षा सञ्चालन गर्नुपर्ने कुरामा जोड दिएका थिए । ढकालले सुन्दरहरैचा नगरपालिका भरी अध्ययन गर्ने विधार्थीहरुलाई नगरको तर्फबाट समेत छात्रवृत्ति प्रदान गर्दै आएक्जो बताएका थिए ।
क्याम्पस सञ्चालक समितिका अध्यक्ष केशव अधिकारीले आफुले क्याम्पसमा प्राविधिक शिक्षामा जोड दिने बताउदै क्याम्पसमा स्मार्ट कक्षा सञ्चालन गर्न लागेको बताए । उनले प्राविधिक शिक्षाको क्षेत्र क्रमिक रुपमा विस्तारै बढ्दैछ सोही रुपमा क्याम्पसले समेत अब प्राविधिक शिक्षामा विस्तारै अघी बढ्ने बताए ।
परिषद् बैठकमा क्याम्पस प्रमुख चन्द्रमणि राईले क्याम्पसको प्रगति प्रतिवेदन २०७८, चालु आर्थिक वर्ष २०७८/०७९ को लागि रु. १९,७६,६८,९११।४१ ( उन्नाइस करोड छयहत्तर लाख अठसठ्ठी हजार नौ सय पैसा एकचालिस) को अनुमानित आय–व्यव बजेट, नीति तथा कार्यक्रम र वार्षिक कार्ययोजना साथै आ.व. २०७७/०७८ को वाह्य लेखापरीक्षणको प्रतिवेदन प्रस्तुत गरेका थिए ।
कार्यक्रममा लेखा समितिका संयोजक चूडामणि तिम्सिनाले आन्तरिक लेखा परीक्षण प्रतिवेदन र पुनरावेदन समितिका संयोजक अमृतप्रसाद आचार्यले पुनरावेदन समितिको प्रतिवेदन प्रस्तुत गरेका थिए । कार्यक्रममा सञ्चालक समितिको तर्फबाट सदस्य सुरेन्द्रबहादुर थापाले क्याम्पस विधान २०७७ को पहिलो संशोधन २०७८ प्रस्तुत गरेका थिए ।
