सुन्दरहरैँचाको पूर्व–पश्चिम राजमार्गमा रहेका होटलहरूमा यौन व्यवसाय बढ्दै गएका छन् । अधिकांश होटलहरूले सम्पर्कको आधारमा होटलहरूमा यौन व्यवसाय सञ्चालन गर्दै आइरहेका छन् ।
राजमार्ग छेउछाउ दर्जनौँ होटलहरू छन् ती होटलहरूमा यौनजन्य गतिविधि फस्टाएको छ । प्रहरीले समेत होटलहरूमा निगरानी नगर्दा खुलेआम यौन जन्य गतिविधि फस्टाएको छ ।
प्रहरी मौन बस्नु , प्रहरीले बेलाबेलामा होटलमा छड्के नहान्दा होटलहरूमा अपराधिक घटना समेत हुने गरेको छ । शुक्रवार सुन्दरहरैँचा स्थित बलियामा रहेको श्रेष्ठ होटलमा ३० वर्षिय महिला यौन हिंसाको सिकार भइन् ।
प्रहरी बिट नजिकै रहेको उक्त होटलले यौन गतिविधि सञ्चालन गर्दै आएको गुनासो उक्त बलात्कार भएको घटना पछि सार्वजनिक भएको छ ।
यो एउटा प्रतिनिधि घटना मात्र हो यस्ता यौनजन्य गतिविधि राजमार्ग छेउछाउ रहेका अधिकांश होटलमा हुने गरेका छन् । होटल सञ्चालकहरूले विभिन्न स्थानबाट ग्राहक खोजी एउटा मूल्य लिएर यौनजन्य गतिविधि सञ्चालन गर्दै आएका छन् ।
प्रहरीले राजमार्गका अधिकांश होटलमा छड्के निगरानी गर्नु पर्ने जन गुनासो छ । प्रहरीकै सरंक्षणमा यस्ता गतिविधि हुने गरेको यत्रतत्र सुनिन्छ । तर प्रहरीले अब होटलहरूमा निगरानी गरि नागरिकको गुनासो सुन्नै पर्छ , नागरिकलाई विश्वास दिलाउनै पर्छ ।
