सुन्दरहरैचा । पछिल्लो २४ घण्टामा सुन्दरहरैचा नगरपालिकामा थप ११ जनामा कोरोना भाइरस (कोभिड-१९) को संक्रमण पुष्टि भएको छ ।
सामाजिक बिकास मन्त्रालय प्रदेश नं १ का अनुसार शुक्रबार सुन्दरहरैचामा ८ जना महिला र ३ जना पुरुषमा कोरोना भाइरसको संक्रमण देखिएको हो । मोरङमा मात्र शुक्रबार ३१६ जनामा कोरोना भाईरसको संक्रमण देखा परेको छ ।
प्रदेश १ मा मोरङ, सुनसरी र झापा जिल्लामा कोरोना भाईरसको संक्रमण बढी फैलिरहेको छ । शुक्रबार मात्र झापामा १४२, मोरङमा ३१६ र सुनसरीमा २५७ जनामा कोरोना भाईरसको संक्रमण देखा परेको छ ।
मोरङको सबै भन्दा बढी विराटनगर , झापाको विर्तामोड र भद्रपुर र सुनसरीको धरान र इटहरी जस्ता स्थानिय तहमा सक्रमितको संख्या बढी फैलिरहेको छ ।
शुक्रबार विराटनगरमा २५३, विर्तामोडमा ३९, भद्रपुरमा २१, धरानमा १३० र इटहरीमा १०० जनालाई कोरोना भाइरसको सक्रमण देखा परेको छ ।
