सुन्दरहरैचा । मोरङको सुन्दरहरैचा नगरपालिका १२ स्थित विराटचौकमा बुधबार राती एकजना ट्रक चालकको कान काटिदिएर दुई युवा फरार भएका छन ।
विरटचौक स्थित पोखरेल होटलमा खाना खाईसकेपछि राती आगो ताप्ने क्रममा ट्रक चालको कान दुई जना युवाले काटिदिएको प्रहरीले बताएको छ ।
आगो ताप्ने क्रममा अपरिचित युवाहरु दुई जनाले प्रदेश १–००१ ख ८१८९ नम्बरको ट्रकका चालकको देव्रे कान काटिदिएको प्रहरीले जनाएको छ ।
उर्लाबारी नगरपालिका–७ का ५२ वर्षीय वोधविक्रम मुखियाको कान काटिदिएको प्रहरीले बताएको छ ।
सामान लोड गरेर रंगेली पुर्याउने क्रममा विराटचोकमा पुगेपछि राती ११:२५ बजेतिर ट्रक पार्किङ गरेर खाना खान नजिकैको पोखरेल होटलमा मुखिया छिरेका थिए ।
अवस्था गम्भीर रहेका ट्रक चालकलाई उपचारका लागि विराटनगरको नोबेल शिक्षण अस्पतालमा भर्ना गरिएको छ । घटनामा संलग्न रहेका फरार दुई जना युवाको खोजी कार्य भइरहेको प्रहरीले जनाएको छ ।
