सुन्दरहरैचा । सुन्दरहरैचाको एक निजी बिद्यालयले फुड फेस्टिबलको आयोजना गरेको छ ।
इन्द्रपुर नमुना माध्यमिक विधालयले अतिरिक्त क्रियाकलाप अन्तर्गत सोमबार खाना महोत्सवको आयोजना गरेको हो । यसबाट बिधार्थीको नेतृत्व बिकास, स्वाबलम्बन बन्ने क्षमताको बिकास र व्यवहारिक ज्ञान पनि आर्जन गर्न सकिने बिद्यालयका प्रधानाध्यापक अर्जुन ढकालको भनाई छ ।
महोत्सवमा बिधालयका कक्षा ७ देखि ९ सम्मका बिद्यार्थीले सहभागिता जनाएका थिए । कक्षा ७ देखि ९ सम्म अध्ययन गर्ने विधार्थीको एउटा क्लब विधालयमा स्थापना भएको छ, त्यही क्लबबाट फुड फेस्टिबल आयोजना गरेको ढकालले बताए ।
क्लबमा आबद्द ३० जना विधार्थीहरुको सहभागितामा फुड फेस्टिबल आयोजना गरिएको हो । शुरुमा विधालयले नै महोत्सवमा लगानी गरेको तर नाफा सबै विधार्थीले स्थापना गरेको क्लबमा जम्मा गरिने ढकालले बताए ।
विधालयले अभिभावकहरुलाई निमन्त्रणा गरि फुड फेस्टिबलको आयोजना गरेको हो । विधालयले यस अघि पनि विभिन्न अतिरिक्त क्रियाकलापहरुको आयोजना गर्दै आईरहेको छ ।
