विराटनगर । बतासविरुद्ध अहिले चौतर्फी हमला भइरहेको बताउदै राष्ट्रिय प्रजातन्त्र पार्टीका पूर्वअध्यक्ष कमल थापा बतास ग्रुपका मालिक आनन्दराज बतासको पक्षमा उत्रिएका छन् ।
सामाजिक सञ्जालमा स्टाटस लेख्दै नारायणहिटी दरबार संग्रहालयमा कफीसप खोल्नेदेखि थुप्रै विवादास्पद ठेक्का हात पारेका बतास समुहको बचाउमा थापा उत्रेका हुन ।
‘भित्री रहस्य थाहा छैन। मैले चिनेको (आनन्द बतास) सामान्य अवस्थाबाट संघर्ष गर्दै सफलतातर्फ अग्रसर एक उद्यमी र आध्यात्मिक विचार भएको मिलनसार व्यक्ति हुन्,’ थापाले सामाजिक सञ्जालमा लेखेका छन् ।
उनले बतासबाट कानुनी उल्लंघन भए कार्वाही गरिनु पर्ने तर कसैको चरित्र हत्या गर्नु नहुने बताएका छन । थापा अहिले सामाजिक सञ्जालबाट निकै आक्रोस पोखिरहेका छन । रा.प्र.पा अध्यक्षमा राजेन्द्र लिङ्देन सग हार बेहोरे पछी थापा अहिले खेलाडी देखी सामाजिक सञ्जालमा आफ्नो गुनासो पोख्नमा व्यस्त छन ।
