विराटनगर । नोबेल मेडिकल कलेजका सञ्चालक काङ्ग्रेस भएकै कारण नबचाउने नेपाल विधार्थी संघ मोरङले बताएको छ ।
शुक्रबार कञ्चनबारीमा कोणसभा गर्दै नेपाल विधार्थी संघ मोरङको तर्फबाट प्रतिनिधि रुपमा गएका जशवन्त पौडेलले मेडिकल सञ्चालक काङ्ग्रेसका व्यक्ती होलान तर नेवी संघ मोरङ विधार्थीको पक्षमा बोल्ने बताएका हुन ।
शिक्षण शुल्कको नाममा एमबीबीएस अध्ययनरत विद्यार्थीहरुसँग नियम विपरित अतिरिक्त रकम असुल गरेको भन्दै नोबेल मेडिकल कलेजमा अध्ययन गर्ने विधार्थीहरु आन्दोलित रहेका छन ।
विधार्थीहरुको आन्दोलनलाई समर्थन गर्दै नेवी संघले नोबेल मेडिकल कलेज काङ्ग्रेस नेताको भएकै कारण नबचाउने बताएको हो ।
नोबेल मेडिकल कलेज गुण्डा शैलीमा आएर विधार्थीको आन्दोलनलाई विथोल्न खोज्छ भने त्यसको पनि प्रतिकार गर्न नेवी संघ तयार रहेको पौडेलले बताएका थिए ।
यता नोबेल मेडिकल कलेजले भने विधार्थीहरुबाट कुनै अतिरिक्त रकम नलिएको बताउदै आएको छ ।
