सुन्दरहरैचा । सुन्दरहरैंचामा दुर्घटना गराएर टिपर फरार भएको छ । सोमबार बिहान अन्दाजी ११ बजे नम्बर नखुलेको टिपरले पुर्व पश्चिम लोकमार्ग स्थित विराटचौक-इटहरी सडकखण्डमा स्कुटरलाई ठक्कर दिँदा दुई जना घाइते भएका छन ।
पुर्वबाट पश्चिमतर्फ जादै गरेको तत्त्काल अल्फाबेट नखुलेको ९०३५ नम्बरको टिपरले प्र नं १-०४-००१ प २४२७ नम्बरको स्कुटरलाई ठक्कर दिएको थियो ।
टिपरको ठक्करबाट सुन्दरहरैचा नगरपालिका ८ सलकपुर बस्ने बर्ष ३२ को ठोमनाथ पौडेल बर्ष २९ कि साबित्रा निरौला घाइते भएका छन्। उनीहरू श्रीमान-श्रीमती रहेको र स्थानिय मेडिकलमा उपचार भइरहेको प्रहरीले जनाएको छ।
प्रहरीका अनुसार सुन्दरहरैचा-९ स्थित पूर्वपश्चिम राजमार्गमा टिपरले स्कुटरलाई ठक्कर दिएको थियो। फरार टिपरको खोजी भइरहेको प्रहरीले जनाएको छ ।
