इटहरी । इन्टरेनेटको माध्यमबाट होटल बुकिङ गर्न सकिने गरि प्राइड हस्पिटालिटी प्रालिले प्राइड क्लिक्स् वेवसाइट र मोवायल एप प्रयोगमा ल्याएको छ ।
सुनसरीको इटहरीमा एक कार्यक्रमको आयोजना गरी प्राइड हस्पिटालिटी प्रालिले वेवसाइट र मोवायल एपको प्रयोग गरी होटल बुक गर्न सकिने सेवा सञ्चालनमा ल्याएको जानकारी दिएको हो ।
होटल बुकिगंका लागि वेवसाइट र मोवायल एप प्रयोग गर्न सकिने व्यवस्था मिलाएको वताउदै वेवसाइट र एपमा सुचिकृत भएका होटलहरु जहाँसुकैबाट वुक गर्न सकिने प्राइड क्लिक्सका अध्यक्ष नितेश पोखरेलले जानकारी दिए । यस अघि देखि नै वेवसाइटका माध्यमबाट होटलहरु हेरेर वुक गर्न सकिने व्यवस्था मिलाइएकोमा अव चाडै मोवायल एपबाट पनि गर्न सकिने व्यवस्था मिलाउने समेत पोखरेलले वताए । यस प्रकारका वेवसाइट र एपमा सुचिकृत गर्न विदेशी कम्पनीहरुले होटलसंग निश्चित पैसा लिने गरेको भएपनि प्राइडमा सुचिकृत हुन शुल्क नलाग्ने समेत सो अवसरमा जानकारी गराइयो ।
कोठा बुक गर्नका लागि होटल सम्म पुग्नु पर्ने झण्झट अन्त हुने तथा विदेशबाट समेत नेपालका होटलहरु वेवसाइट र एपका माध्यमबाट गर्न सकिने व्यवस्था कम्पनीले मिलाएको वताइयो । प्राइडसंग हाल सम्म ८० वटा होटलहरु सुचिकृत भई सकेको र प्रदेस नम्बर १मा इटहरीको गोर्खा , गरिमा सहित अन्य ठाउँका त्रिवेणी रिसोर्ट ,गोकर्ण रिसोर्ट लगायतका होटलहरुमा रहेको जनाइयो ।
नेपालका विभिन्न ठाउँका चार सय वढी होटलहरुलाई सुचिकरण गर्ने लक्ष्य राखिएको सो अवसरमा जमुना ढुंगानाले जानकारी दिइन । उनले एपका विषयमा सहजिरण गरेकी थिइन । नेपाल पत्रकार महासंघ सुनसरीका उपाध्यक्ष गणेश निरौलाको प्रमुख आतिथ्यतामा भएको कार्यक्रममा पर्यटन व्यवसायी सुनिल भुषालले होटलहरुका साथै पर्यटकीय क्षेत्रका विषयमा जानकारी लिन सकिने व्यवस्था मिलाए आन्तरिक तथा वाह्य पर्यटकहरुलाई आकर्षित गर्न सकिने वताए ।
