सुन्दरहरैचा । सुन्दरहरैचा नगरपालिकामा ट्रक र मोटरसाइकल बिच एक आपसमा ठक्कर भएको छ । ट्रकको ठक्करबाट मोटरसाइकलमा सवार तीन जना घाइते भएका छन ।
वडा नं ०६ दुलारी बजार स्थित पुर्व पश्चिम लोकमार्गमा पश्चिम बाट पुर्व तर्फ आउदै गरेको प्रदेश २-०३-००१ ख ४४८९ नं. को ट्रकलालई सोही दिशा बाट आउदै गरेको प्र.१-०२-०४५ प २७२१ नं. को मोटरसाइकलले ओभरटेक गर्दा दुर्घटना भएको प्रहरीले जनाएको छ ।
दुर्घटनाबाट मोटरसाइकल चालक र पछाडि सवार तीन जना घाइते भएका छन । घाइते हुनेमा मोटरसाइकल चालक सुन्दरहरैचा ३ बस्ने वर्ष २१ को अमित चौधरी र मोटरसाइकलमा पछाडि सवार सोही वडा बस्ने वर्ष २१ को ओम चौधरि, सोही वडा बस्ने वर्ष २५ को अरुण चौधरी घाइते भएको प्रहरीले जनाएको छ ।
घाइते तिनै जनालाई उपचारको लागी नोबेल अस्पताल बिराटनगर पठाएको प्रहरीले जनाएको छ । ट्रक चालक धनकुटा महालक्ष्मी नगरपालिका वडा नं ४ बस्ने वर्ष २७ को कमल अधिकारी र दुबै सवारी साधन प्रहरी चौकी गछियाको नियन्त्रणमा रहेको प्रहरीले जनाएको छ ।
