सुन्दरहरैचा । धरानको द राइजिङ क्लबले नेपालमा पहिलो पटक आयोजना हुन लागेको राष्ट्रिय फुटसल लिग खेल्ने भएको छ । क्लबले प्रदेश १ को प्रतिनिधित्व गर्दै उक्त लिगमा खल्न लागेको हो ।
आगामी असोज २ गतेदेखि २२ गतेसम्म पोखरामा हुन लागेको लिगमा सहभागी हुने खेलाडी तथा अफिसियलहरुलाई प्लानेट फुटसलले विदाई गरेको छ । प्रदेश १ को सुन्दरहरैचामा रहेको प्लानेट फुटसलले उक्त क्लबलाई शनिबार विदाई गरेको हो ।
सुन्दरहरैचा स्थित आफ्नै फुट्सल खेल मैदानमा एक कार्यक्रम आयोजना गरि क्लबले खेलाडीहरुलाई विदाई कार्यक्रम गरेको हो । खेलाडीहरु भने भदौ २८ गते सोमबार मात्र पोखरा प्रस्थान गर्नेछन् ।
टिम मेनेजर रवि राई, टिम कोच युवेन्द्र लिम्बु र स्वास्थ्यकर्मी (फिजियो) विजय श्रेष्ठबाहेक १४ जना खेलाडीको टोली पोखरा जानेछन् । कोच लिम्बुका अनुसार नेपालमा पहिलो पटक फुटसलको लिग हुन लागेको हो । प्रतियोगिताको विजेताले १० लाख र उपविजेताले ५ लाख पाउनेछ ।
विदाई कार्यक्रममा बोल्दै सुन्दरहरैचा उधोग वाणिज्य संघका महासचिव नारायण कार्कीले सबै खेलाडीहरुलाई जितका लागि शुभभकामना दिएका थिए । उनले खेलाडीहरुलाई हतोत्साहित नभई खेल्न साथै प्रदेश १ कै शानको रुपमा खेल्न आग्रह गरेका थिए ।
त्यस्तै इन्द्रपुर जेसिजका अध्यक्ष कृष्ण ओझाले फुटसलै पहिलो पल्ट प्रदेश १ ले ईतिहास बनाउने एउटा संगिन अवसर पाएको बताउदै त्यो अवसरलाई सफल पार्न शुभकामना दिएका थिए । उनले खेलाडिहरुलाई दबाब भन्दा पनि आफ्नो मौलिक खेल प्रदर्शन गर्न साथै ईतिहास रचेर फर्कन शुभकामना दिएका थिए ।
त्यस्तै गोकुलम रिसोर्टका सञ्चालक रमेश कार्कीले खेलाडीहरुलाई हौसला प्रदान दिदै राष्ट्रिय फुटसल लिगमा प्रदेश १ कै गरिमा बढाउन जितको शुभकामना दिएका थिए ।
त्यस्तै प्रमुख अतिथि अखिल नेपाल फुटबल संघका महासचिव प्रकाश मास्केले फुटसलको क्षेत्रमा प्रदेश १ को पहिचान बनाउन सफल हुन शुभाकामना व्यक्त गरेका थिए ।
उक्त विदाई कार्यक्रम प्रदेश फुटसल व्यवसायी संघका सचिव समीर बस्नेतले चलाएका थिए भने कार्यक्रमको सभाध्यक्ष प्लानेट रिक्रेसन सेन्टरका सञ्चालक उत्सव थापाले गरेका थिए ।
