सुन्दरहरैचा । काङ्ग्रेसको उद्गम थालो मोरङमा क्रियाशिल विवादले अधिवेशन अनिश्चित छ । कार्यकर्ता तहमा अधिवेशन चाडै हुने आशा सहित सक्रियता बढ्दो छ तर , यकिन मिती केन्द्रले दिन सकेको छैन ।
क्रियाशिल विवाद किन भयो ? यसको दोषी को हो त ? जानकारहरु यसको जिम्मेवारी मोरङ काङ्ग्रेसका सभापति डिगबहादुर लिम्बुले नैतीक रुपमा लिनुपर्ने बताउछन ।
अशोक कोइराला, अमृत अर्यालको पालामा क्रियाशिल विवादले अधिवेशन रोकिएन । सभापति लिम्बुको कार्यकालमा क्रियाशिल विवादले उग्र रुप लियो । काङ्ग्रेस काङ्ग्रेसमा मनमुटाव भयो । प्राय: सबै निर्वाचन क्षेत्रमा विवाद देखियो । विवाद, धर्ना, प्रदर्शन, तालाबन्दी जस्ता आन्दोलन काङ्ग्रेसमा सामान्य बन्यो ।
“नियम संगत तरिकाले सिफारिस भएको भए विवाद नै हुने थिएन” मोरङ काङ्ग्रेसका एक पदाधिकारीले भने, ” आफु अनुकुल निर्णय हुने गरी वितरण गर्न थालेपछी विवाद शुरु भयो, लिम्बु आँफै पनि उम्मेदवार भएकोले उनी क्रियाशिल आँफै अनुकुल वितरण गर्न लागेकाले समस्या उत्पन भयो ।”
नेपाली काङ्ग्रेसको १४ औ महाधिवेशनको पुर्व सन्ध्यामा देशका ५६ जिल्लामा वडा तहका अधिवेशन सम्पन्न भइसकेका छन । तर क्रियाशिल सदस्य विवाद समाधान नहुँदा काङ्ग्रेसको केन्द्रिय नेतृत्वले मोरङमा निर्वाचन अधिकारी पठाउन सकेको छैन ।
मोरङ काङ्ग्रेसले १५ हजारको हाराहारीमा क्रियाशिल सदस्य वितरण गरेको छ । क्षेत्रगत रुपमा आएका क्रियाशिललाई जस्ताको त्यस्तै पोका बाधेर केन्द्रिय समितिमा पठाइएको भनिए पनि धेरै ठाउमा एक गुटले अर्को गुटलाई सकाउने रणनिती बनेको थियो ।
यस बाहेक एक वडामा बसोबास गर्नेको अर्कै वडाबाट र एउटा क्षेत्रमा बसोबास गर्नेको अर्कै क्षेत्रबाट क्रियाशिलता वितरण हुनुले पनि समस्या उब्जाएको छ । वडा तथा क्षेत्रीय समितिले क्रियाशिल सदस्यका लागि सिफारिस गरेको फारममा नेताले भोट पाउनका लागि एउटाको निवेदनमा आफ्न नजिकको व्यक्तीको फोटो टासेर सदस्यता वितरण गरिदा समस्या उत्पन्न भएको हो जुन तत्कालाई समाधान हुने छाटकाट देखिदैन ।
काङ्ग्रेस केन्द्रिय सदस्य तथा केन्द्रिय सभापति डा शेखर कोइरालाको इच्छा बमोजिम सभापति लिम्बुले भने अनुसारको व्यक्तीलाई क्रियाशिल वितरण गर्दा विवाद उत्पन्नको जड भएको छ ।
मोरङ क्षेत्र नं ०६ मा निस्कृय रहेका र कहिकतै आन्दोलनमा काङ्ग्रेसको झण्डा बोकेको नदेखिएका विराटनगर ०७ का भन्सार एजेन्ट संजय दुगड र उनका श्रीमती लगायत परिवारका अधिकांश सदस्यलाई क्रियाशिल वितरण गरिदा पार्टीमा सक्रिय काङ्ग्रेसको अपमान भएको महशुस अधिकांशले गर्न थालेका छन । यो प्रतिनिधि समस्या मात्र हो ।
क्रियाशिल सदस्यको बिषयले एकले अर्कालाई खुइल्याउने कार्य प्रसस्तै भएका छन मोरङमा । यो नेता पिच्छे बिकास भएको गुटबन्दीले हो ।
काङ्ग्रेसको क्षेत्रीय र उपक्षेत्रीय सभापति र उपसभापति भएका व्यक्तीले आफ्ना आसपासे र अरौटे र भरौटेलाई सदस्यता वितरण गरेर केन्द्रिय समितिमा पठाइएको र केन्द्रिय समितिले त्यसलाई अनुमोदन गर्दा क्रियाशिल विवाद चरम उत्कर्समा पुगेको छ ।
पार्टीको वडा देखी क्ष्त्रीय स्तरसम्मका पुराना नेता तथा कार्यकर्ताहरुको क्रियाशिल सदस्यता सिफारिस गरेर गएको तर केन्द्रिय नेताहरुले त्यसरी सिफारिस भएर गएको नामा भन्दा आफ्न नजिक र चाकडी गर्ने आसपासेको नाउलाई सदर गरिदिदा विवाद उत्पन्न भएको हो ।
काङ्ग्रेस केन्द्रिय सदस्य डा कोइराला मोरङ सभापति लिम्बु पक्षधरले क्रियाशिल विवादलाई प्राविधिक कमजोरी भन्दै झारा टार्ने हिसाबअले बहाना बनाउदै जिल्ला अधिवेशन गर्ने मनस्थितिमा रहे पनि केन्द्रिय सदस्य अर्याल, जिल्ला सभापतिका उम्मेदवार दिलिप गच्छेदार पक्षधरहरुले फर्जी क्रियाशिल विवादको समाधान गरेर मात्रै अधिवेशन बढाउन दबाब दिएका छन ।
नेपाली काङ्ग्रेस मोरङले भदौ १८ गतेका लागि वडाबाट अधिवेशन शुरु गर्ने समय तालिका प्रकाशित गरेको थियो तर क्रियाशिल विवादले भएन । अब नयाँ मिती असोज ५ गते देखी वडा अधिवेशन हुने समय तालिका सार्वजनिक भएको छ । तर अझै पनि क्रियाशिल विवाद टुंगीएको छैन ।
सभार: न्यु सृस्टि दैनिक बाट
