ओखलढुंङ्गा । ओखलढुङ्गा खिजिदेम्बा गाऊपालिका ५ ढाडखर्क का ६८ बर्षीय मित्र बहादुर तामाङको धारिलो हरियार खुकुरी र दाऊ प्रहार गरि हत्या भएको छ । तमाङको दिउसो साँढे १२ बजे तिर हत्या भएको प्रहरीले जानकारी दिएको छ ।
हत्यामा संलग्न उनकै आफ्नै भाई ६७ बर्षीय शेर बहादुर तामाङ र शेर बहादुरका छोरा ३६ बर्षीय बिर बहादुर तामाङ रहेका छन् । अंशबण्डाको बिषयमा विवाद हुदाँ धारिलो हतियार खुकुरी र दाउले टाउकोमा प्रहार गर्दा मित्र बहादुर तामाङको घटनास्थलमानै मृत्यु भएको हो ।
घटना स्थलबाट प्रहरीले हत्यामा प्रयोग भएका खुकुरी र दाउ बारामद गरेको छ । धारिलो हतियार शाहीत भाई शेर बहादुर तमाङ र शेर बहादुरका छोरा बिरबहादुरलाई प्रहरीले नियन्त्रणमा लिएको छ ।
घटना स्थलमा ईलाका प्रहरी कार्यालय खिजिफलाटे र जिल्ला प्रहरी कार्यालय ओखलढुङ्गाले सयुक्त अनुसन्धान गरिरहेको प्रहरीले जनाएको छ । उक्त स्थान जिल्ला प्रहरी कार्यालय ओखलढुंगाबाट अन्दाजी ६० किमि पश्चिम उत्तर रहेको प्रहरीले बताएकाे छ ।
