सुन्दरहरैचा । नेपाली काङ्ग्रेस को १४ औ महाधिवेशन का लागी मोरङ क्षेत्र नं ६ ‘क’ को सभापतिमा जीवन प्रसाद ढुंगानाले उम्मेद्वारी दाबी गरेका छन । युवाहरुलाई पार्टीमा संगठित गर्दै पार्टीकै मलजलमा केन्द्रीत रहेका ढुंगाना जनताको दुखसुखमा अहोरात्र खट्ने युवामा परिचित छन् ।
ढुंगाना गत स्थानिय तहको निर्वाचनमा सुन्दरहरैचा नगरपालिका वडा नं ३ का निर्वाचित वडाध्यक्ष हुन । युवा जमातमा लोकप्रिय मानिएका ढुंगाना पार्टी सभापती शेर बहादुर देउवा पक्षबाट सभापतीका उम्मेद्वार हुन । गत स्थानिय तहमा समेत सुन्दरहरैचा नगरपालिकामा काङ्रेसलाई जिताउन महत्वपूर्ण भूमिका खेलेका ढुंगानाले आफ्नो ३ नं वडा बाट नगरको सबै वडा भन्दा बढी मत नगरप्रमुखको लागि तान्न सफल भएका थिए ।
सरल स्वभावका ढुंगाना जनता माझ समेत लोकप्रिय मानिदै आएका छन । राजनिती पेशा होइन सेवा हो भन्ने मुल मन्त्र ठान्ने ढुंगाना यहाँका जनताका हरेक सुख दुखका सारथी हुन । ढुंगाना नेपाली काङ्ग्रेस केन्द्रिय सदस्य अमृत अर्याल, राष्ट्रिय सभा सदस्य रमेश जंग रायमाझी र सुन्दरहरैचा नगरपालिकाका नगरप्रमुख शिव प्रसाद ढकालका बिस्वासिलो पात्र मानिन्छन ।
ढुंगाना भन्छन “पार्टीलाई सवल र सुदृढ बनाउन यूवाले मात्र सक्छ,‘राजनीतिमा यूवाको भविष्य सुनिश्चितताका लागि मैले उम्मेदवारी दिन लागेको हुँ ।’
