सुन्दरहरैचा । सुन्दरहरैचा नगरपालिका वडा नं १ लोहन्द्रा खोला जाने बाटो स्थित लक्ष्मीपुरमा करिब दुई वर्ष देखि एउटा विधुतिय ट्रान्सफर्मर अलपत्र अवस्थामा रहेको छ ।
उक्त विधुतिय ट्रान्सर्फमर जडान गर्न पटक पटक बेलबारी विधुत केन्द्रलाई जानकारी गराउदा समेत जडान हुन नसक्दा नागरिक वर्षौ दिन देखि विधुतिय भोल्टेजको समस्यामा परेका छन ।
वर्षौ दिन देखि विधुतिय पोलमा ट्रान्सर्फमर राखिएको छ तर ट्रान्सर्फमरलाई विधुतिय प्रशारण तारमा जडान गरिएको छैन , स्थानिय राजेन्द्र सिराल भन्छन । उनी भन्छन वर्षौ देखि जडान नगरिएको ट्रान्सर्फमर हेरेर बस्न बाध्य छौ ।
नगरका सबै स्थानमा विधुतको पहुच छ तर विधुतिय ट्रान्सफर्मर भए पनि विधुतिय प्रशारण तारमा जडान नगरिदा भएको उपकरण समेत अलपत्र अवस्थामा रहेको छ ।
उक्त विधुतिय ट्रान्सर्फमर भएको क्षेत्रमा करिब १००/१५० घरधुरीले विधुत प्रयोग गर्दै आईरहेका छन । स्थानियहरुले बेलबारी विधुत केन्द्रमा नियमित रुपमा विधुतिय महशुल समेत तिर्दै आएका छन । तर ट्रान्सर्फमर जडान गर्ने निकायले उक्त ट्रान्सर्फमर जडान गर्न ध्यान नदिदा उक्त क्षेत्रमा विधुतिय भोल्टेजको समस्या उत्पन्न भएको मात्र छैन भोल्टेजको समस्याले नागरिकले विधुतिय सामग्री प्रयोग गर्ने उपकरण समेत विग्रदै आएको छ ।
