सुन्दरहरैचा । मोरङमा ३७७ जना सहित आइतबार प्रदेश १ मा थप ७६० जनामा कोरोना पुष्टि भएको छ । एक हजार ४२३ जनाको पीसीआर परीक्षणगर्दा ३४६ महिला र ४१४ पुरुषको रिपोर्ट पोजेटिभ आएको सामाजिक विकास मन्त्रालयले जनाएको छ ।
मन्त्रालयका अनुसार मोरङको विराटनगर महानगरपालिकामा २७२, बुढीगंगा गाउपालिकामा ४, कटहरी गाउपालिकामा ९, सुन्दरहरैचा नगरपालिकामा ३६, धनपालथान गाउपालिकामा २, लेटाङ नगरपालिकामा ४, उर्लाबारी नगरपालिकामा १८, पथरिशनिश्चरे नगरपालिकामा १०, बेलाबारी नगरपालिकामा ८, जहदा गाउपालिकामा १, मिक्लाजुङ गाउपालिकामा ३, रगेंली नगरपालिकामा २, ग्रामथान गाउपालिकामा ३, रतुवामाई नगरपालिकामा १, कानेपोखरी गाउपालिकामा १, केराबारी गाउपालिकामा २ र स्थानीय तह नखुलेका १ जनामा संक्रमण भएका हुन् ।
आइतबारसम्म प्रदेश १ मा कोरोना संक्रमितको संख्या ३७ हजार ९८३ पुगेको छ । संक्रमित भएका मध्ये ३० हजार २३२ संक्रमणमुक्त भएका छन् । सक्रिय संक्रमितको संख्या ७ हजार १९४ पुगेको सामाजिक विकास मन्त्रालयले जनाएको छ ।
